ကျွန်တော့်အမေမှာမျက်စိတစ်ဘက်ပဲရှိတယ်

ကျွန်တော့ အမေမှာ မျက်စိတစ်ဘက်ပဲ အကောင်း ရှိတယ်။ ကျွန်တော်သူအဲလို ဖြစ်နေတာကို မုန်းတယ်ဗျာ တော်တော်လည်း ရှက်ဖို့ကောင်းတာပဲ ..။
အမေ့ အလုပ်အကိုင်က စက်ရုံတစ်ခုမှာ ၀န်ထမ်းတွေအတွင် ထမင်း၊ ဟင်း ချက်ပေးရတာပါ ...။ ကျွန်တော်တို့မိသားစုလည်း ဒါနဲ့ပဲ ရပ်တည်နေရတာပေါ့ဗျာ။

ကျွန်တော် အလယ်တန်းတက်တုန်းကလဲ အမေ ကျွန်တော့အတန်းကိုလာပြီး ကျွန်တော့်ကို လာတွေ့ဖူးသေးတယ်လေ။ အတန်းထဲကလူတွေ သူ့ကိုမြင်သွားမှာ ကျွန်တော်ဖြင့် သိပ်ကြောက်တာပဲဗျာ...။
ဘာလို့ ကျွန်တော့်ကို သူဒီလိုလုပ်ရတာလဲမသိဘူး ..။ အဲဒီ့တုန်းက ကျွန်တော်သူ့ကို ဂရုမစိုက်ပဲ မုန်းတဲ့မျက်လုံးတွေနဲ့ကြည့်ပြီး သူ့ရှေ့က ပြေးထွက်ခဲ့တယ် ...။


နောက်ရက်လဲရောက်ရော ... ကျွန်တော့အတန်းဖော်သူငယ်ချင်းတစ်ယောက်က ပြောတယ် "ဟေ့ကောင်၊ မင်းအမေက မျက်လုံးတစ်ဘက်ပျက်နေတာလား ..။ အီးးးးး" တဲ့..။

ကျွန်တော့ကိုယ်ကျွန်တော် သတ်တောင်သေချင်မိတယ်ဗျာ။ ပြီးတော့ ဖြစ်နိုင်ရင် ကျွန်တော့်ဘ၀မှာ အမေဆိုတာ မရှိစေချင်တော့ဘူး ..။
အဲဒီ့နေ့မှာပဲ အမေ့ရှေ့မှာ မျက်နှာချင်းဆိုင်ရပ်ပြီးကို ပြောလိုက်တယ် ... "အမေဘာလို့ ကျွန်တော့်ကို သူများတွေရဲ့လှောင်စရာ ဖြစ်အောင်လုပ်နေတာပဲ ... ကျွန်တော့အတွက် အမေဆိုတာ မရှိခဲ့ရင် သိပ်ကောင်းမှာပဲဗျာ" လို့ ..။

အမေက တခွန်းမှတော့ ပြန်မပြောပါဘူး ... အဲဒီ့တုန်းကတော့ ဒေါသတွေနဲ့အကြီးအကျယ်ပေါက်ကွဲနေခဲ့လို့ ကျွန်တော့်ကိုယ်ကျွန်တော် ဘာတွေပြောလိုက်မိမှန်းတောင် မသိတော့ပါဘူးဗျာ ...။ အဲဒီ့အချိန် အမေဘာတွေဖြစ်နေလဲဆိုတာလဲ မသိတော့ပါဘူး ...။

ဒါနဲ့ သိပ်မကြာခင်ပဲ ကျွန်တော် အိမ်ကထွက်ခဲ့တယ် ... အမေနဲ့ပတ်သက်ပြီး ဘာမှထပ်အရှက်မရတော့အောင်ပေါ့ ...။ တစ်ယောက်တည်းဆိုတော့ ကျွန်တော် ခက်ခက်ခဲခဲနဲ့ ပညာဆက်သင်ရတယ်ဗျာ။ ကံကောင်းချင်တော့ နိုင်ငံခြားမှာ ပညာဆက်သင်ဖို့ အခွင့်အရေးရခဲ့တယ် ..။

ပြီးတော့ ကျွန်တော်လက်ထပ်တယ်။ မြို့တစ်မြို့မှာ ကျွန်တော့နာမည်နဲ့ အိမ်တစ်လုံးလည်းဝယ်ခဲ့တယ် ..။ သားသမီးတွေလည်းရခဲ့တယ်ဗျ ..။ ကျွန်တော့ ဘ၀ရယ်၊ ကျွန်တော့ကလေးတွေရယ်၊ အားပေးသူရယ်ကြောင့် ကျွန်တော် ပျော်ရွှင်ခဲ့ရတယ်။

တစ်ရက်ကျတော့ အမေကျွန်တော့အိမ်ကိုရောက်လာတယ်ဗျ။ အမေ့ကိုမတွေ့ရတာလဲ နှစ်ပေါင်း မနည်းတော့ပါဘူး ...။ အမေကိုယ်တိုင်လဲ သူ့မြေးတွေကို တခါမှတောင် မတွေ့ဖူးသေးဘူး ..။

အမေလဲ အိမ်တံခါးရှေ့လဲရောက်ရော၊ ကျွန်တော့ကလေးတွေက ဇရာဒဏ်ကိုခံနေရပြီး မျက်စိတစ်လုံးလဲမရှိတဲ့ အမေ့ကို ကြည့်ပြီး ကြောက်နေကြတယ်။ ကျွန်တော်ကလဲ မဖိတ်ခေါ်ပဲရောက်လာတဲ့ အမေ့ကို အော်လိုက်တယ်။
"ကျွန်တော့အိမ်ကို ဘာလို့လာတာလဲ ... ကလေးတွေကြောက်ကုန်တော့မှာပဲ ... ခုချက်ချင်းပြန်ပါ ...ခုချက်ချင်းနော် ..."

အဲတော့ အမေက လေသံတိုးတိုးလေးနဲ့ "အိုး၊ တောင်းပန်ပါတယ်။ အိမ်မှားသွားလို့ပါ" - လို့ပြောပြီး မြင်ကွင်းရှေ့ကနေ ထွက်သွားတယ်။

တနေ့မှာ ကျောင်းသားဟောင်းတွေ့ဆုံပွဲအတွက် ဖိတ်ကြားလွှာရောက်လာတယ်။ ကျွန်တော်လည်း စီးပွားရေးကိစ္စနဲ့ ခရီးထွက်ရမယ်လို့ ကျွန်တော့မိန်းမကိုလိမ်လိုက်တယ်လေ။ တွေ့ဆုံပွဲလည်းပြီးရော အမေ့ဆီကို ခဏ၀င်တွေ့ဖို့ ကျွန်တော့်အိမ်ဟောင်းကို သွားခဲ့တယ် ...။

ရောက်ရောက်ချင်းပဲ အိမ်နီးချင်းတွေက မင်းအမေလွန်ခဲ့တဲ့အပတ်က ဆုံးသွားပြီဆိုပြီး ပြောကြတယ်။ ကျွန်တော် မျက်ရည်တစ်စက်တောင် မကျမိပါဘူး ..။

သူတို့ထဲက တစ်ယောက်က ကျွန်တော့အတွက် ကျွန်တော့အမေ ထားခဲ့တဲ့စာဆိုပြီး စာတစ်စောင် သွားယူလာပေးတယ်။

အဲဒီ့စာထဲမှာရေးထားတာကတော့ -

"အမေချစ်ရတဲ့သားရေ -
အမေ သားကို အမြဲတမ်းသတိရနေတာပါကွယ်။ ဒါကြောင့် သားလိပ်စာကို မရရအောင် စုံစမ်းပြီး သားအိမ်ကို ရောက်အောင်လာခဲ့တာပါ ...။ သားအိမ်ကိုရောက်လာပြီး မြေးလေးတွေကို လန့်အောင်လုပ်သလိုဖြစ်သွားတဲ့အတွက် အရမ်းဝမ်းနည်းမိပါတယ်။

ကျောင်းသားတွေ့ဆုံပွဲကို သားလာမယ်ဆိုတာ အမေကြားရတော့ အရမ်းဝမ်းသာတာပဲသားရယ်။ ဒါပေမယ့် .. အမေ မင်းကိုလာတွေ့ဖို့ အိပ်ယာကတောင် မထနိုင်တော့ပါဘူး။
သားအရွယ်ရောက်လာတဲ့အချိန်မှာ အမေက သားအတွက် အရှက်ရစရာဖြစ်ခဲ့တဲ့အတွက် အမေတောင်းပန်ပါတယ်ကွယ်။

သားသိလား ..... သား ငယ်ငယ်လေးတုန်းကပေါ့။ ကားမတော်တဆမှုကြောင့် သားမျက်လုံးလေး ထိခိုက်သွားခဲ့တယ်လေ။ အမေ့သားလေး မျက်စိတစ်ဘက်တည်းနဲ့ ကြီးပြင်းလာရမယ်ဆိုတာ အမေတစ်ယောက်ရဲ့ရင်ထဲမှာ ဘယ်ချိနိုင်ပါ့မလဲ သားရယ်။ ဒါကြောင့် အမေ့မျက်လုံးတစ်ဘက်ကို သားကိုပေးခဲ့တာပါ။

ဒါပေမယ့် ... ကမ္ဘာကြီးတစ်ခုလုံးကို အမေ့အစား ဒီမျက်လုံးနဲ့ ကြည့်ပေးနိုင်တဲ့ အောင်မြင်နေတဲ့ အမေ့သားအတွက် အမေ အရမ်းကျေနပ်မိတယ် ...။

အမေ့ရဲ့အချစ်တွေအားလုံးက သားအတွက်ပါကွယ် ...။

သားရဲ့အမေ" တဲ့ ...။

{My mom only had one eye ကို ဆီလျော်အောင် ဘာသာပြန်ပါသည်}

-အလင်္ကာမေကျော်-